Në ambientet e varrezave të qytetit Sutina në Mostar, sot janë identifikuar dy viktima të luftës së kaluar. Bëhet fjalë për viktima të nacionalitetit boshnjak të zhdukur në vitin 1992 dhe 1993 në zonën e Mostarit dhe Stolacit, shkruan Klix, përcjell Fol Drejt.
“Viktimat fillimisht u identifikuan duke përdorur metodën e ADN-së dhe sot eshtrat e tyre do të identifikohen zyrtarisht nga familjarët e tyre,” thotë Instituti për Personat e Zhdukur të BiH.
Siç thonë ata, familja ka konfirmuar identitetin e Mirsad (Osman) Fazliqit, i lindur në vitin 1949 në Podlugovi afër Ilijashit. Ai u zhduk në maj të vitit 1993 në zonën e Mostarit dhe eshtrat e tij u zhvarrosën në vitin 1998 në Mostar.
Sot është identifikuar edhe Ismail (Xhabir) Memedi i lindur në vitin 1942. Ai u zhduk në zonën e Stolacit në qershor të vitit 1992, ndërsa eshtrat e tij u zhvarrosën në vitin 2018 në lokalitetin Vlahinja në Stolac. /FolDrejt/
