Dyshohet për së paku 3 persona të vdekur pasi një varkë e vogël emigrantësh hasi në vështirësi në orët e para të mëngjesit në kanalin anglez pranë Kentit, shkruan BBC, përcjell Fol Drejt.
Varkat e shpëtimit, ekipet e shpëtimit të rojes bregdetare dhe një ambulancë ajrore u dërguan për të ndihmuar në një operacion kërkim-shpëtimi.
Një anije peshkimi ishte gjithashtu në zonë për të ndihmuar me shpëtimin migrantëve.
U përfshinë gjithashtu helikopterë të Rojës Bregdetare HM nga Lydd dhe Lee on Solent dhe një nga marina franceze.
Shërbimi i Ambulancës në Bregun Juglindor tha se u thirr pas raportimeve të një incidenti rreth orës 03:40 të mëngjesit dhe kishte dërguar ekuipazhe në Dover, në Kent, për të ndihmuar në përpjekjet e shpëtimit.
Qeveria tha se ishte në dijeni të incidentit dhe agjencitë po mbështesnin një përgjigje të koordinuar. /FolDrejt/
