Një kinez ka vuajtur për shumë vite nga një dhimbje e fortë koke. Kur u bënë të padurueshme, ai shkoi te mjeku dhe mësoi se prej 20 vitesh jetonte me një plumb në kokë.
Xia Chen (28) nga Shenzhen ishte i sigurt se vuante nga pagjumësia – ai u përpoq të ndryshonte stilin e jetës dhe mori pilula, por asgjë nuk ndihmoi.
Kur dhimbja e kokës u bë e padurueshme dhe nuk duroi dot më, kërkoi ndihmën e mjekut.
Në spital, ata bënë një skaner në kokë dhe vunë re një objekt të çuditshëm në anën e majtë të kafkës së tij. Pas një kontrolli më të afërt, rezultoi se ishte një plumb.
Kinezët thanë se vëllai i tij e qëlloi aksidentalisht me një armë pneumatike 20 vjet më parë. Plaga nuk ishte shumë e dhimbshme, për këtë arsye ata nuk u thanë prindërve të tyre dhe me kalimin e kohës ai e harroi plotësisht plagën.
Sipas mjekut, Chen është i lumtur që është gjallë – plumbi nuk e ka goditur plotësisht kafkën dhe nuk e ka lënduar trurin. Mjekët kanë kryer operacionin dhe kanë hequr me sukses plumbin nga koka. /Telegrafi/
