Një 27-vjeçar është dënuar me 18 vjet burg në Angli, pasi përdhunoi dhe dhunoi një të re rreth të 20-ave
Michael Maughan e goditi viktimën e tij me një karrige dhe e drogoi në një rast përpara se ta kërcënonte se do ta çonte në Epping Forest për ta vrarë.
Më pas e përdhunoi disa herë, ndërsa e reja ishte e tmerruar nga pasojat nëse do të thoshte se nuk pranonte të kryente marrëdhënie seksuale.
Dyshja kishin qëndruar në hotele nëpër Chiswick dhe Hammersmith, në Londrën Perëndimore, në atë kohë në prill 2021.
Maughan gjithashtu e goditi me shuplakë, e rrahu, e hodhi në dysheme, i mori çelësat e makinës dhe e ndaloi të largohej gjatë periudhës së dhunshme.
Ajo i tregoi një miku të saj se kishte frikë për jetën e saj dhe lajmëroi policinë. Por Maughan më pas u përpoq ta gjuante atë dhe hyri në një sallon bukurie që ajo vizitonte shpesh, duke abuzuar dhe kërcënuar verbalisht stafin. Një punëtore u largua përgjithmonë sepse ajo ishte e tmerruar se ai do të kthehej.
Policia e arrestoi atë në Haringey, në Londrën e Veriut, në maj 2021 dhe e gjeti viktimën e tij të mbajtur kundër vullnetit të saj dhe jashtëzakonisht të shqetësuar.
Ai pranoi sjelljen kontrolluese/shtrënguese, përdhunimin, sulmin seksual, dëmtimin e vërtetë trupor dhe rrëmbimin dhe burgosjen e rreme. /abcnews.al
