Pixie Curtis, një milionere 11-vjeçare, nuk është një fëmijë i zakonshëm që thjesht po planifikon festën e ditëlindjes plot argëtim me miqtë, shkruan New York Post, transmeton Fol Drejt.
Sipërmarrësja e re me origjinë australiane po planifikon një festë për t’u larguar nga biznesi i saj që ka lulëzuar, për t’u përqendruar në mësime.
Curtis, CEO e kompanisë së saj të lodrave, Pixie’s Fidgets, ndau një video në Instagram ku shfaqi çantat e të ftuarve të festës së saj të ditëlindjes, secila prej tyre e mbushur me gjëra thelbësore për kujdesin ndaj lëkurës dhe trajtime me shkëlqim buzësh me vlerë mbi 50 dollarë.
Çantat që tregon Curtis, të sponsorizuara nga marka luksoze australiane e bukurisë MCoBeauty, përmbajnë një grup furçash me gjashtë pjesë që kushton 20 dollarë, pika bronzuese me vlerë 16 dollarë, një trajtim buzësh me shkëlqim 2 në 1 me çmim 7 dollarë dhe balsam buzësh që kushton gjithashtu 7 dollarë.
Ishte nëna e Curtis, Roxy Jacenko, ajo që i dha vajzës së saj idenë për të planifikuar festën e daljes në pension, pasi ia mësoi rëndësinë e të mësuarit se si të balancojë arsimin dhe sipërmarrjen.
Curtis themeloi kompaninë, Pixie’s Fidgets, me nënën e saj në vitin 2021, dhe tashmë po njihet për fitimet e mëdha në biznesin e saj.
Fëmija-milionere filloi të shiste harqe dhe më pas vazhdoi të nisë biznesin e saj me fidget spinner gjatë pandemisë, duke i grumbulluar asaj një perandori shumëmilionëshe.
Curtis shpesh ndan stilin e saj të jetesës ekstravagante dhe të shtrenjtë në Instagram, ku ka mbi 130,000 ndjekës.
Disa nga ndjekësit që i lanë komentet nën videon e postuar nga Curtis për çantat e mira nuk mund ta kuptonin faktin që ajo po planifikonte festën e daljes në pension.
“Oh wow! Në përvjetorin tim të 12, pata një festë në McDonald’s. Si kanë ndryshuar gjërat?” – shtroi një pyetje retorike një ndjekës.
“Omg prindërit e mi nuk do të më linin kurrë të bëja make-up në moshën 11-vjeçare; tash në moshën 41-vjeçare, nuk bëjë fare” komentoi një tjetër.
Jacenko ngjalli polemika dy vite më parë kur ia bleu automjetin 10-vjeçares së atëhershme.
Shumë prindër reaguan në rrjetet sociale, duke thënë se Curtis ishte shumë e re për të jetuar stilin e jetesës luksoze.
Megjithatë, tema e “bosëve” të rinj që kanë grumbulluar miliona, nuk duket më e re.
Një milioner 12-vjeçar i bërë vetë, mahniti internetin për shndërrimin e aftësisë së tij NFT në një portofol masiv kripto me vlerë rreth 1 milion dollarë.
Benyamin Ahmed, nxënës i klasës së tetë, tha se ai arriti t’i bëjë të gjitha brenda një viti.
Fillimisht, Ahmed tha se donte të heshtte për suksesin e tij, megjithatë, meqë historia e tij tërhoqi shumë vëmendje, ai e kuptoi se fitimet e tij po njiheshin në mbarë botën./FolDrejt/
