Ekipet e shpëtimit gjetën trupat e tetë punëtorëve të tjerë në pjesën e kontrolluar nga India të Kashmirit sot, duke e çuar numrin e të vdekurve në nëntë pasi një pjesë e tunelit u shemb në rajonin e Himalajeve, thanë zyrtarët.
Tuneli është pjesë e një sistemi malor të tuneleve dhe urave në ndërtim e sipër në një autostradë strategjike që lidh dy qytetet kryesore të Srinagar dhe Jamuk në distriktin jugor të Ramban.
Trupi i një punëtori është gjetur më herët gjatë ditës së sotme.
Zyrtarët thanë se një punëtor është ende i zhdukur.
Pjesa e tunelit që u shemb ishte tuneli i hyrjes që përdorej për ajrim dhe lëvizjen e furnizimeve dhe pajisjeve në tunelin kryesor në ndërtim./FolDrejt/
