Alexey Bychkov, ushtar rus, raportohet se u arrestua të shtunën pasi kishte regjistruar një video të tij duke abuzuar seksualisht me një foshnjë.
Lyudmila Denisova, komisionere për të drejtat e njeriut në Parlamentin ukrainas, deklaroi se trupat ruse kanë përdhunuar fëmijë gjatë luftës. Ajo tha se një vajzë 14-vjeçare në Bucha u përdhunua nga pesë ushtarë dhe si rezultat tani është shtatzënë.
Një djalë 11-vjeçar, në të njëjtin qytet, raportohet se u përdhunua gjithashtu para nënës së tij, të cilën e lidhën në një karrige dhe e detyruan ta shikonte.
Avokati i Popullit atje shtoi se tre ushtarë kanë dhunuar edhe një grua 20-vjeçare në Irpen.
Bychkov shërben në një njësi ushtarake në qytetin rus Pskov.
Media bjelloruse Nexta, ka raportuar se ushtari synonte ta shiste përmbajtjen e filmuar në rrjetin ilegal, por u tradhtua nga miqtë e tij pasi u dërgoi videot.
Ndërkohë, The Insider zbuloi se videoja me fëmijën nuk është shkelja e vetme e Bychkov. Ai ka disa video të tjera të tilla, ku shihet duke kryer akte dhune ndaj fëmijëve.
Rusia tashmë është akuzuar për krime lufte në Ukrainë dhe ka pasur raportime për përdhunim. Sipas The Times, Një grua ka raportuar se ushtarët rusë e përdhunuan atë teksa fëmija i saj ishte duke qarë në të njëjtën shtëpi.
Që kur Presidenti Vladimir Putin dërgoi trupa në Ukrainë, ata i kanë vënë në shënjestër civilët gjithnjë e më shumë. Në Bucha u raportua për krime të rënda pas tërheqjes së trupave.
Kjo solli dënimin global, me pezullimin e Rusisë nga Këshilli i të Drejtave të Njeriut në Kombet e Bashkuara.
Lyudmila Denisova, ka thënë se trupat ruse kanë rrëmbyer mbi 120 mijë fëmijë ukrainas, dhe disa prej tyre janë përdhunuar.
Deri më tani, Rusia i ka mohuar të gjitha akuzat për krime lufte në Ukrainë, duke shkuar deri në atë masë sa thotë se civilët në Bucha u vranë nga duart e nazistëve ukrainas.
Objektivi i deklaruar i Moskës, që nga dërgimi i trupave më 24 shkurt, ka qenë “denazifikimi” i Ukrainës.
