“NIN”, revistë serbe, ka ofruar disa dëshmi për veprimtarinë e Milan Radoiçiqit, kriminelit serb që mori përgjegjësinë për sulmin terrorist në Banjskë të Zveçanit.
Ndër të tjera, pjesë të dëshmisë e ka paraqitur edhe përfitimin e tenderëve në Kosovë, përfshirë këtu edhe në autostradën Prishtinë-Tianë.
“Përveç pasurimit nga kontrabanda me naftë në jug të Kosovës, ai u pasurua edhe me angazhimin e firmave të Radoiçiqit dhe Veselinoviqit në ndërtimin e autostradës Prishtinë-Tiranë”, thuhet aty.
“Millan Radoiçiqi u emërua nënkryetar i Listës Serbe në qershor 2018, teksa në opinion u shfaqën fotografi të takimeve të tij me kryeministrin e Kosovës, Ramush Haradinajn, i cili e përshkroi si njeri që pyetet për çdo gjë në veri. Nën drejtimin e Radoiçiqit Lista Serbe fitoi disa privilegje nga Prishtina zyrtare, siç janë vendet e punës në ndërmarrjet publike”, thuhet ndër të tjera.
Radojiçiq aty përmendet edhe për sulme fizike dhe verbale ndaj bashkëpunëtorëve të tij, grabitje të një biznesmeni në Shkup.
