Për një periudhë të gjatë kohore Post Telekomi i Kosovës (PTK), ka qenë buzë falimentimit. “Gjakrrjedhja ekonomike”, siç e quante dikur kryeopozitari i Kosovës, tash kryeministër i vendit, Albin Kurti, dyshohet se ka ndodhur me vetëdije të plotë të “bosëve” të pushtetit dhe njerëzve të afërm të tyre, shkruan Fol Drejt.
Së fundi gazetari Jaton Sopa ka zbuluar se mijëra euro i janë dhënë vetëm një personi, përkatësisht bizneseve mediale të udhëhequra nga ai. Bëhet fjalë për gazetarin Berat Buzhala. Sipas të gjeturave të Sopës, pavarësisht ndërrimit të pushteteve, Buzhala ka mbërritur t’i rigjenerojë raportet me pushtetet e reja, për të vijuar me përthithjen e mjeteve nga PTK.
“…nëse dojm me qenë korrekt me publikun dhe te vërteten duhet të flasim me fakte: Psh, Në vitin 2009 kur ka qenë kryeministër Hashim Thaçi (që ti i thojshe Gjorgj Washingtoni i Kosovës) i ke marrë 49,900 euro marketing nga Vala , në vitin 2016 kur ka qenë Isa Mustafa kryeministër (që ti thojshe qesi kryeministri kurrë s’ka pas Kosova se Hashimi u kan njeri i korruptum) i ke marrë 52, 395 në vit. Në vitin 2018 kur ka qenë km Ramush Haradinaj (që ti thojshe vec ky mundet me i ba ballë Serbisë se Hashimi po don me da Kosovën e po don me m’vra mu) i ke marrë 40 mijë euro në vit, pra mesatarje mujore që i ke marrë vetëm prej Telekomit është mbi 4 mijë euro në muaj, të mos flasim për kontratat që i ke pas prej ministrive dhe institucioneve tjera publike…
Parameno Berat ti i ke marrë gjithsej 437 mijë euro për me ja “reklamu” mbushjet e Valës a ndërkohë i bajshe reklam IPKO-s ndersa Vala s’kishke pare me i pagu punëtorët e vet, a ti tu e arsyetu këtë lloj plaçke tu thanë se edhe unë kam pas me i pagu punëtorët e mi…” – ka shkruar Sopa në murin e tij.
Buzhala, në anën tjetër i ka reaguar, duke thënë se, për krejt këto, mediumet ku ai ka shërbyer, ia kanë kthyer PDK-së dhe “Vala 900”, me shërbime, duke i kompenzuar me marketing:
“Do me thane, Gazeta Express dhe T7, ku kam punu une, per 15 vjet i paskmi marre prej Telekomit te Kosoves, marketing, 437 mije euro.
Pra, po i bjen i kena marre cdo muje kah 2 mije euro dhe per keto pare kemi dhane sherbim. IPKO ka pagu shumeeeee ma shumeeeee se qekaq.
Jo vec IPKO, kompanite mediale te tjera ne treg kane marre ma shume se Gazeta Express dhe T7. I kam pase 150 punetore.
A jeni more normal? Ju a mendoni qe u deshte me bo marketing pa pare a?”
Por këta të dy nuk kanë qenë të vetmit që janë përplasur në distancë. Kolegë gazetarë të tjerë, e kanë komentuar nga kënde të ndryshme.
Gazetari Lirim Mehmetaj ka reaguar duke e cilësuar Sopajn dhe portalin të cilin ai e udhëheq si “portal të Vetëvendosjes”, e ndërsa ua ka kujtuar këtyre të fundit se Martin Berishaj “400-mishen prej GEN-I Beograd t’i ka kapë për kah ë mujë punë”:
“Paska dal nje lajm nga portali i Vetevendosjes se T7 dhe Gazeta Express per 15 vjet i paskan marre 400 mije euro.
Shume dobet.
Martin Berishaj 400-mishen prej GEN-I Beograd t’i ka kape per kah 1 muje pune, “konsulence profesionale”.
Morali i tregimit:
Mos u sponzorizoni nga kompani vendore, punoni per kompani serbe.
Bravo Martin.”
Por të tjerë kolegë gazetarë, e kanë lavdëruar Sopajn për publikimin e këtyre të dhënave. Gazetari Pleurat Salihu duke iu referuar të gjeturave të këtij të fundit ka thënë se “edhe gazetar edhe milioner, nuk shkon!”:
“Ta kallën lojën o zotëri Beri😂
Kur ta thojsha unë u kallshe, çojshe ndërmjetësues, mi bleje shokët që i pata bo emër😂 Hajt guxon kapu me Jeton Sopa 😂😂😂 Bleja shokët🎙️ si mua😅 Lutem🙏 që mos të ma merr inati AShMK-ja (ish-AGK-ja) edhe një shoqe e imja🙏🤗 53 mijë euro nuk janë 2 mijë euro në muaj😅 Kadal beg Beri, se ka hendek. Edhe gazetar edhe milioner nuk shkon.”
Ua kujtojmë që Sopa ishte ai që iu parapriu hetimeve për pronësinë e biznesit të Artmotion. Dokumentet që publikoi, nxitën autoritetet të hetojnë këtë biznes, ndërsa “lufta” gjyqësore ende nuk ka përfunduar. Qeveria, si rrjedhojë, ia shfuqizoi certifikatën e biznesit, ndërsa këta të fundit thanë se me anë të këtyre veprimeve po provohet të “mbytet” fjalën e lirë./FolDrejt/
