Piers Morgan ka zbuluar se Cristiano Ronaldo i tha për herë të parë zhgënjimet e tij në Man Utd në prill të këtij viti.
Në rubrikën e tij në Times , Morgan tha: “Më 15 prill të këtij viti, Cristiano Ronaldo më telefonoi për të shfryrë shpretkën e tij për Manchester United.
“Rikthimi i ëndrrës së tij [Ronaldo] vetëm tetë muaj më parë ishte kthyer në një makth dhe për një orë, ai me pasion artikuloi të gjitha problemet që ai mendonte se ishin pas rënies së klubit nga kampionët e përhershëm nën figurën e ish trajnerit të tij Sir Alex Ferguson, deri në mediokritet të neveritshëm.
“Nuk mund të vazhdoj të injoroj atë që po ndodh brenda klubit tani,” më tha ai. “Është kaq amatore. Asnjë qëllim i përcaktuar, pa udhëheqje, asnjë organizim, vetëm një shkretëtirë idesh. E ardhmja është shumë e errët nëse gjërat nuk ndryshojnë shumë shpejt.”
“E pyeta nëse i vinte keq që u kthye dhe ai psherëtiu: “Ndoshta zemra ime foli më shumë se arsyeja”.
“Nëse doni të flisni publikisht për këtë, më njoftoni,” i thashë në fund të bisedës.
“Nëse situata vazhdon, unë do ta bëj,” u zotua ai. “Mbështetësit nuk e meritojnë këtë – ata e meritojnë ta dinë të vërtetën.”/FolDrejt/
