Përtej miliarda investimesh, ai është duke mbrojtur një koleg autokrat kundër SHBA-ve dhe njerëzve të tij, informon foldrejt.com, lajmin e prestigjiozes britanike “Economist”.
Një mëngjes shtatori të vitit 2009, një grup i figurave të fuqishme të Kremlinit u rreshtuan në rezidencën e Dmitry Medvedev, atëkohë president i Rusisë për të përshëndetur një mik të ngushtë: Hugo Chavez-in, presidentin e Venezuelës.
“Më keni munguar,” i kishte thënë Medvedev-Komandantit, duke përdorur formën e njohur ruse, ty.”Ti je një shok dhe një mik i mirë për mua, Dmitry,” u përgjigj Chavez duke e përshendetur nga “miqtë e përbashkët” përfshirë Muamar Gadafin dhe Bashar al-Assad. “Rusia është një superfuqi përsëri,” vazhdoi ai, “dhe Venezuela është një bërthamë e poleve të pushtetit në Amerikën Latine”.
Që nga atëherë, Gaddafi është vrarë, kurse Assadi ka mbetur në pushtet vetëm falë ndërhyrjes së Rusisë. E ardhmja e pasardhësit të Chavez, Nicolas Maduro, varet nga një fije. Protestuesit janë në rrugët e Caracas. Vendet e Amerikës Latine dhe Shtetet e Bashkuara e kanë njohur opozitën si qeveri legjitime te Venezuelës. Europa është më e dyzuar (edhepse së fundi nuk njeh për kryetar Maduron). Por Rusia i sheh interest e saj si rrezik në mbijetesën e Maduro.
Nëse në Venezuelë shpërthen lufta, Rusia si çdoherë do akuzojë SHBA-në për shkatërrimin e investimeve të saja. Por nëse bie Maduro, i urryer nga populli i tij dhe refuzuar nga ushtria, atëherë Putini duhet të shqetësohet më shumë për investimet e tij./Foldrejt.com
