Australia ndaloi sot TikTok në të gjitha pajisjet zyrtare të qeverisë federale për arsye sigurie, duke iu bashkuar një numri në rritje të aleatëve të SHBA-së që kanë ndërmarrë veprime kundër aplikacionit video në pronësi kineze.
Vendimi theksoi shqetësimet në rritje se Kina mund të përdorë aplikacionin, në pronësi të Byte Dance me bazë në Pekin, për të mbledhur të dhëna të përdoruesve për të avancuar qëllimet e saj politike dhe për të minuar interesat e sigurisë perëndimore, raporton Reuters, përcjell Fol Drejt.
Vendimi mund të rinovojë tensionet diplomatike midis Australisë dhe Kinës, partnerit të saj më të madh tregtar, pas një faze disi më të qetë që kur kryeministri Anthony Albanese mori detyrën majin e kaluar, sipas agjencisë britanike./FolDrejt/
