Sipas organizatës shtetërore indiane të kërkimit dhe zhvillimit në fushën e mbrojtjes (DRDO), India dje ka testuar një version detar të raketës supersonike kryqëzuese, transmeton Fol Drejt.
“Varianti i avancuar det-det i raketës supersonike të kryqëzuar BrahMos u testua nga anija INS Visakhapatnam. Raketa goditi saktësisht anijen e shënjestruar”, njoftoi DRDO në Twitter, shkruan AA.
Marina indiane e quajti “arritje të dyfishtë” testimin e raketës supersonike të kryqëzuar BrahMos “me rreze të zgjeruar” nga INS Visakhapatnam, një anije e llojit “shkatërrues”, që është prodhimi më i ri vendas i anijeve me raketa të drejtuara.
Ministri i Mbrojtjes, Rajnath Singh, tha se lançimi i raketës rikonfirmoi qëndrueshmërinë e “gatishmërisë së misionit” të marinës indiane.
Raketa u zhvillua si pjesë e një sipërmarrjeje të përbashkët të nënshkruar në 1998 midis DRDO dhe kompanisë ruse NPO Mashinostroyeniya.
