Masat kufizuese të shkaktuara si pasojë e Kovid19 ka shkaktuar krizë ekonomike dhe miliona të papunësuar të ri në gjithë globin. E prekur është edhe shteti më i zhvilluar ekonomikisht në botë, SHBA, informon foldrejt.com.
Pas protestave në Teksas, protestuesit dolën në rrugë edhe në shtete të tjera me shumicë të mbështetësve të presidentit Donald Trump, përfshirë shtetet Colorado, Montano dhe Arizona, për të kërkuar heqjen e masave kufizuese. Kjo përkundër udhëzimeve për të qëndruar në shtëpi.
Gjersa në SHBA vazhdon debati mbi atë se kur do të lehtësohen masat, Trump kerkon që lehtësimi të ndodhë sa më parë dhe të rigjallërohen bizneset dhe ekonomia.
Megjithëse Trump ka thënë se bisedon shpesh me guvernatorët për heqjen e masave dhe se masat duhen zbutur gradualisht dhe në mënyrë të sigurtë, një postim i tij në Twitter në mbështetje të protestuesve dhe deklarata se disa shtete e kanë tepruar me masat kanë shkaktuar reagime.
Protesta të ngjashme janë zhvilluar edhe në Berlin të Gjermanisë.
Përndryshe, SHBA është vendi që ka regjistruar numrin më të madh të të vdekurve nga Kovid19, me rreth 40 mijë persona./Foldrejt.com
