Aktivistët për Mbrojtjen e Teatrit Kombëtar janë më të vendosur se kurrë për të mbrojtur teatrin përkundër që policia ka rrethuar atë dhe po përgatitet shembja nga qeveria, informon foldrejt.com.
Njëri ndër aktivistët që ndodhen brenda Teatrit në këto momente të vështira shkruan:
“Jemi brenda Teatrit Kombetar, te vendosur te mos lejojme taboret e Sander Lleshit ta pushtoje ate. Policet kane zene te gjitha daljet per te mos lejuar te tjere te hyjne brenda. Sapo na nderprene edhe energjine elektrike.
Pas deshtimit me turp ne perplasjet e mengjesit, kellirat ne pushtet jane terbuar dhe nuk duan ta leshojne betejen pa nje fitore, per te vendosur ne vend “nderin” e cenuar te gangove politike.
Keta nje vjet e gjysem kane treguar se sa here kane menduar te bejne nje poshtersi me teatrin, iu ka dale per keq. Keshtu po iu shkon edhe sot.
Pushtetit duket se i ka ardhur ngordhja dhe e ka humbur arsyen.”
Kujtojmë se më herët gjatë ditës së sotme, aktivistët për Mbrojtjen e Teatrit kanë marrë edhe mbështetjen e opozitës, me kryetarin Lulzim Basha që ishte i pranishëm gjatë paradites në ambientet e godinës. Por kryeministri Edi Rama dhe kryebashkiaku i Tiranës, Erion Veliaj e kanë konsideruar protestën e sotme si të organizuar nga një minorancë që nuk mund të mbajë dot peng planin për teatër të ri – por që në fakt pas saj fshihet ndërtesa dhe betonozimi i mëtejshëm i Tiranës.
Presidenti i Republikës, Ilir Meta reagoi gjithashtu duke depozituar në Gjykatën Kushtetuese kërkesën për shpalljen antikushtetuese të ligjit për godinën e teatrit.
