Ministri i Diasporës i Maqedonisë së Veriut, Xhemail Çupi ka pritur sot në takim delagacionin qeveritar bashkë me kryeministrin e Republikës së Shqipërisë, Edi Rama, ku kanë mbajtur edhe një seancë të përbashkët.
Ministri Çupi përmes një postimi në Facebook njoftoi se gjatë takimit ata nënshkruan edhe memorandume bashkëpunimi në mes të dy palëve, transmeton Fol Drejt.
“Sot, mirëpritëm delegacionin e lartë të Qeverisë së Republikës së Shqipërisë të kryesuar nga Kryeministri z. Edi Rama ku dhe mbajtëm seancë të përbashkët.
Në kuadër të kësaj ngjarjeje u nënshkruan Memorandume bashkëpunimi, të cilat thellojnë bashkëpunimin e ndërsjellë në çdo sferë interesi dhe trasohet rruga e përbashkët e hapërimit të suksesshëm drejt integrimeve evropiane”, u shpeh Çupi.
Delegacioni i Ramës u prit me nderime të larta shtetërore./FolDrejt/