Ekipet e shpëtimit nga Holanda dhe Rumania tashmë janë në rrugën drejt Turqisë për të ndihmuar pas “tërmetit shkatërrues”, njoftoi sot komisioneri i Bashkimit Evropian për menaxhimin e krizave, Janez Lenarçiç.
“Qendra e Koordinimit të Reagimit Emergjent të BE-së po koordinon dërgimin e ekipeve të shpëtimit nga Evropa”, shkroi Lenarçiç në Twitter, shkruan AA, përcjell Fol Drejt.
“Ekipet nga Holanda dhe Rumania tashmë janë në rrugë”, shtoi ai, duke shprehur solidaritetin me Türkiye-n “pas tërmetit shkatërrues”.
Të paktën 284 persona kanë humbur jetën dhe mbi 2.320 të tjerë u plagosën pas tërmetit të fuqishëm që goditi juglindjen e Turqisë mëngjesin e sotëm, sipas agjencisë së vendit për menaxhimin e fatkeqësive.
Autoriteti i Menaxhimit të Fatkeqësive dhe Emergjencave të Turqisë (AFAD) tha se tërmeti me magnitudë 7.4 ballë, i cili goditi në orën 4:17 të mëngjesit sipas kohës lokale, epiqendra e të cilit ishte në qarkun Pazarcik në provincën jugore Kahramanmaraş të Turqisë.
Tërmeti ka ndodhur në një thellësi prej 7 kilometrash./FolDrejt/
