Një ekip veterinerësh në një qendër kujdesi për kafshët në Itali patën një “pacient” të veçantë. Nuk ndodh shpesh që të shohësh një piton të madh te veterineri, aq më pak që të bëjë skanimin CT. Megjithatë, kjo ka ndodhur në qendrën e kafshëve në Torino, ku veterinët u kujdesën për pitonin Pippo.
Veterinët operuan zvarranikun pesë metra të gjatë pasi nuk kishte ngrënë për nëntë muaj dhe kishte bllokim zorrësh. një bllokimi të zorrëve. “Ishte shumë i dobët”, shpjegon veterinerja Mitzy Mauthe Von Degerfelde. Gjarpërinjtë nuk hanë shpesh, nëse gjahu është i madh, mund të hanë vetëm një herë në muaj.
Por nëntë muaj pa ngrënë është shumë dhe prandaj i zoti i tij u shqetësua. Veterinerët e morën Pipon nga shtëpia private me një ekip bashkëpunëtorësh. “janë manovra që duhen kryer me kujdes sepse kafsha lëviz dhe ka rrezik të dëmtojë rruazat, duhen shumë duar dhe një përvojë e caktuar”, shpjegon ajo.
Mjekët kombinuan gjashtë tavolina operative për të krijuar dhomën e përshtatshme kirurgjikale. Në rrjetet sociale, veterinerët që kryen operacionin konfirmuan rezultatin e operacionit: “Operacioni u krye me sukses…Tani jemi të gjithë duke buzëqeshur, ndërkohë që jemi gati ta zgjojmë!”. /abcnews.al
