Ekskluzive: Blogerët e huaj ambasadorët më të denjë për imazhin e shqiptarëve në botë

Në kohën kur shqiptarët vuajnë nga imazhi jo fort i mirë si pasojë e politikës korruptive, nepotizimit dhe publikimet të shumta të lajmeve kriminale kundrejt shqiptarëve në mediat e huaja, janë pikërisht një grup njerëzish tjerë që nxjerin imazhin e vërtetë të shqiptarëve – blogerët dhe autorët e librave me udhëtime, shkruan ekskluzivisht foldrejt.com.

Së fundi është blogeri i famshëm argjentinas, Juan Villarino (41), i cili për magazinën më të madhe të Europës “Der Spiegel” ka treguar një detaj shumë interesant të udhëtimeve të tij.

“Kam mbajtur një statistikë të 2350 automjeteve, sa kohë më është dashur ti presë, derisa të më marrë ndokush. Më së paku kam pritur në Shqipëri/Kosovë dhe në Ishujt Faroe: mesatarisht më pak se pesë minuta. Në Irak pritnja shtatë minuta dhe në Jordani nëntë. Në Gjermani rreth 22 minuta, kurse më gjatë në Suedi dhe Norvegji derisa ndalej ndokush të më merrte: rreth 40 minuta,” tha për SPIEGEL, 41 vjeçari. 

Më tutje 41 vjeçari argjentinas thekson se Shqipëria është vendi më i mirë për autostop dhe se ua preferon të gjithë turistëve, kurse vendet e zhvilluara shpesh janë vetjakë dhe andaj vuajnë nga depresioni.

Imazhi i vërtetë dhe pa lobing për shqiptarët

Kjo nuk është hera e parë që një bloger që viziton botën mbetet i impresionuar nga Shqiptarët. NAS Daily së fundi nxori një video të mrekullueshme për Shqipërinë, çiklistët austriakë Ditzlmüller dhe Weiss thanë se shumica e shqiptarëve ishin njerëz të thjeshtë, të cilët kishin pak, por të gjithë na ftonin me zemër e ishin tepër bujarë, kurse ngjashëm edhe blogeri Sebastian Hölzl, tha se gjatë vizitës në Shqipëri kuptoi realitetin krejt ndryshe nga çfarë i ishte rezervuar.

“Ishin njerëzit më të mirë të mundshëm, që kam takuar në ndonjë udhëtim timin,” tha ai Hölzl për mediat gjermane.