Gazetarët anembanë Ekuadorit kanë marrë letra që përmbajnë mjete shpërthyese ditët e fundit, shkruajnë mediat e huaja, përcjell Fol Drejt.
Lenin Artjeda, një nga prezantuesit është plagosur pasi ka hapur një paketë në redaksi.
Pajisja shpërthyese dukej si një USB, tha ai më vonë.
Ai e futi atë në kompjuter, kur ndodhi shpërthimi.
Zyra e Prokurorit të Përgjithshëm të Ekuadorit konfirmoi të hënën se kishte hapur një hetim mbi terrorizmin në letra.
Njoftimi për shtyp nuk përmendi mediat në të cilat mbërritën dërgesat.
Të paktën pesë organizata të ndryshme në të gjithë Ekuadorin kanë marrë këtë lloj pakete.
Qeveria dënoi sulmet, duke e përshkruar lirinë e shprehjes si një “të drejtë që duhet respektuar”.
“Çdo përpjekje për të frikësuar gazetarët dhe lirinë e shprehjes është një akt i neveritshëm që duhet të ndëshkohet ashpër”, thuhet në deklaratë.
Juan Zapata, ministri i Brendshëm, tha se të gjitha pajisjet janë dërguar nga i njëjti qytet.
Dy pajisje u dërguan në kryeqytetin e këtij vendi të Amerikës Latine, Quito, ndërsa tre dërgesa arritën në media në Guayaquil.
Ndryshe nga pajisja që shpërtheu pranë Lenin Artiedës, pajisjet e tjera nuk u hapën kurrë.
Prokurorët kanë konfirmuar se ajo ka kryer një shpërthim të kontrolluar të një prej mjeteve të dërguara në televizionin TC.
Në mesin e pajisjeve kishte edhe eksplozivë të tipit ushtarak, tha kreu i mjekësisë ligjore të policisë ekuadoriane.
Dhuna në rritje është rezultat, sipas presidentit të vendit, Guillermo Lasso, i konkurrencës midis bandave të trafikut të drogës për territor dhe kontroll.
Ky vend përdoret si rrugë për kontrabandën e kokainës nga Peruja dhe Kolumbia fqinje.
Muajt e fundit ka pasur një rritje të ndjeshme të vrasjeve dhe krimeve të lidhura me bandat në territorin e saj.
Në Guayaquil, qyteti i dytë më i madh i Ekuadorit, ku u dërguan tre eksplozivë, pati skena dramatike dhune – nga trupat e prerë të kokës që vareshin në ura deri te trazirat vdekjeprurëse të burgjeve midis bandave rivale. /FolDrejt/
