Greqia ka paralajmëruar qytetarët për mot të keq i cili do e pushtojë vendin në ditët në vijim. Temperatura shumë të ulëta, reshjet e dendura të borës dhe reshje shiu, janë parashikimet e meterologëve grekë, të cilët thonë se stuhia në emrin ‘Elpis’ do të përhapet në shumë zona.
Videoja e mëposhtme tregon nga lëvizjen e masave për 5 ditët e ardhshme mbi Evropë në një lartësi prej 1500 metra mbi sipërfaqen e tokës.
‘Tanea.gr’ shkruan se nga dita e shtunë temperaturat pritet të kenë rënie graduale në të gjithë Greqinë. Nga e hëna në të mërkurë temperaturat do të jenë shumë të ulëta dhe vlerat maksimale të tyre nuk do të kalojnë 2 deri në 3 gradë Celsius. Gjatë natës, reshjet e borës do të nisin në të gjithë Egjeun dhe vende-vende në pjesën qendrore dhe veriore do të jenë të dendura.
Të dielën pritet një recesion i fenomeneve në kontinent, ndërsa në Evia dhe në të gjithë Egjeun do të vijojnë kohë pas kohe reshjet e dendura të borës. Të hënën reshjet e borës do të intensifikohen dhe do të jenë të dendura fillimisht në Egjeun qendror dhe verior, Evia, Thesalinë Lindore dhe Sterenë lindore dhe gradualisht në Peloponezin lindor dhe në të gjithë Egjeun jugor deri në Kretë dhe Dodekanez. Në Maqedoni dhe Traki do të ketë reshje bore të herëpashershme.
Parashikimi i Observatorit Kombëtar të Athinës flet për një “pushtim të ftohtë” me temperatura shumë të ulëta për të paktën pesë ditët e ardhshme. Arsyeja për këtë rënie të ndjeshme të temperaturës thuhet se është zhvillimi i një dipoli të fortë të presioneve atmosferike midis Evropës Perëndimore dhe Lindore.
