Parlamenti i Serbisë sot është trazuar pasi dikush nga deputetët shqiptoi emrin e Kryeministrit të Kosovës Albin Kurti, ndërsa zhvilloheshin diskutimet, shkruan Fol Drejt.
E gjitha filloi pasi partitë opozitare kanë kërkuar që Aleksandër Martinoviq të largohet nga salla. Por Ministri i Administratës Publike dhe Vetëqeverisjes Lokale nuk e bëri një gjë të tillë.
“Ata që nuk e duan mund të jenë në korridor, dhe ne nuk e njohim demonstrimin e forcës” – tha deputeti Dragan Markoviq. Madje ai shtoi se “nuk fitohet pushteti në këtë mënyrë, duke i dërguar foto Albin Kurtit. Kjo nuk është parë askund në botë!”
Dragan Nikoliq, deputeti i Zavetnikut, ka kërkuar nga Vladimir Orliq, kryetar i Parlamentit të Serbisë, të shpallë pushim dhe të arrihet marrëveshje me shefat e grupeve parlamentare.
Ai tha se askush nuk është më pak i vlefshëm për shkak se nuk ka fëmijë, ndërsa Martinoviqi dje vetëm fyen të gjithë njerëzit që nuk kanë fëmijë.
Dejan Bullatoviq, deputeti i pavarur, apeloi qytetarët që ta shikojnë këtë turp nga opozita.
“Shikoni këtë skandal dhe turp, a është kjo luftë kundër dhunës, ky është turp, këta janë provokatorë që provokojnë, deputetë që nuk kanë dinjitet dhe respekt. Qytetarë të Serbisë, më e rëndësishmja është të qëndroni të qetë. A është kjo një luftë kundër dhunës”, pyeti Bulatoviq, duke përfunduar me fjalët “rroftë Serbia dhe çdo gjë që është normale në të”.
Mirëpo, Vladimir Orliq, pas një rrëmuje të gjatë dhe këshillave për përfundimin e seancës, dha një pushim prej pesëmbëdhjetë minutash dhe i thirri kryetarët e grupeve parlamentare për marrëveshje.
“Sot në këtë shtëpi po mbahet një përkujtim. Mbani parasysh këtë”, tha Orliq, duke aluduar për përkujtimin e planifikuar në sallë për vdekjen e Milan Milutinoviqit, një socialist dhe ish-president i Serbisë.
Pas këtij momenti opozita u përndez, duke kërkuar që ai të largohej nga salla./FolDrejt/
