Gjatë katër muajve të fundit, 500 anije dërguan 11 milionë ton produkte ushqimore për njerëzit në nevojë, gjë që dëshmon rëndësinë e “marrëveshjes së grurit” për furnizimin dhe sigurinë ushqimore në botë, shkruan në Twitter presidenti turk Rexhep Tajip Erdogan, transmeton Ukrinform, përcjell Fol Drejt.
“Pas dërgimit të më shumë se 11 milionë tonë drithëra dhe ushqime për ata që kanë nevojë nëpërmjet rreth 500 anijeve gjatë katër muajve të fundit, rëndësia dhe përfitimet e kësaj marrëveshjeje për furnizimin me ushqim dhe sigurinë e botës janë bërë të dukshme,” ka shkruar ai.
Erdogan vuri në dukje se në përputhje me rezolutën e arritur nga Turqia, OKB, Ukraina dhe Rusia, Nisma e Grurit të Detit të Zi u zgjat për 120 ditë të tjera duke filluar nga 19 nëntori 2022.
Presidenti turk falënderoi Sekretarin e Përgjithshëm të OKB-së António Guterres, Presidentin e Ukrainës Volodymyr Zelensky, Presidentin e Rusisë Vladimir Putin, “për gatishmërinë e tyre për të zgjatur marrëveshjen”.
Siç raporton Ukrinform, në një takim në Stamboll më 17 nëntor, Ukraina, Kombet e Bashkuara dhe Turqia ranë dakord të zgjasin Iniciativën e Grurit të Detit të Zi për 120 ditë të tjera. /FolDrejt/
