Presidenti Rexhep Tajip Erdogan ka nisur fushatën e tij zgjedhore teksa kërkon të zgjasë udhëheqjen e tij në Turqi pas 20 vjetësh, raportojnë mediat e huaja, përcjell Fol Drejt.
Ai po përballet me sfidën më të vështirë deri tani nga gjashtë parti opozitare që kanë bashkuar forcat për zgjedhjet presidenciale dhe parlamentare të 14 majit.
Turqia po përballet me inflacion në rritje dhe është tronditur nga dy tërmete që vranë 50,000 njerëz. Erdogan dhe partia e tij në pushtet AK thonë se do të ulin inflacionin në njëshifror, siç kanë njoftuar tashmë kundërshtarët e tij.
Turqia është bërë gjithnjë e më autoritare nën presidentin Erdogan dhe opozita po përpiqet ta ndryshojë këtë, shkruan BBC.
Kandidati që siguron më shumë se gjysmën e votave në garën për president të 14 majit është fitues. Nëse kjo dështon, gara shkon në një raund të dytë dy javë më vonë.
Cilado parti që fiton zgjedhjet parlamentare konsiderohet të ketë një avantazh psikologjik nëse zgjedhjet presidenciale arrijnë në balotazh.
Votuesit turq janë polarizuar prej vitesh, por Erdogan (69) është nën presion si kurrë më parë. Erdogan ka qeverisur Turqinë që nga viti 2003, fillimisht si kryeministër dhe më pas si president që nga viti 2014, duke rritur në mënyrë dramatike kompetencat e tij tre vjet më vonë pas një grushti të dështuar në vitin 2016.
Partia e tij AK është në pushtet që nga nëntori 2002. Një numër në rritje turqish e fajësojnë atë për rritjen e inflacionit, për shkak të refuzimit të tij për të rritur normat e interesit. /FolDrejt/
