Presidenti turk Rexhep Taip Erdogan do vizitojë në 15 nëntor Qipron Veriore, pikërisht pas fitores së kandidatit të tij, Ersin Tatar. Ai ofroi një zgjidhje afatgjate, që në fakt është ndarja e përhershme mes grekëve dhe turqve në ishull, informon foldrejt.com.
“Vetëm përpjekjet e palës turke nuk janë të mjaftueshme për një zgjidhje”, tha presidenti Erdoğan. Presidenti turk theksoi se është e qartë se pala greke “nuk ka ndërmend të pranojë një zgjidhje në bazë të partneritetit të barabartë të popullit turk qipriot”.
Erdoğan tha se arsyeja për situatën aktuale në Mesdheun Lindor është Greqia dhe Qiproja Greke, të cilët siç theksoi presidenti turk, nuk i kanë dëgjuar paralajmërimet e Turqisë që nga viti 2003 dhe kanë injoruar propozimet konstruktive të saj.
Presidenti Tatar, nga ana e tij, përshëndeti propozimin e Turqisë për një konferencë 5-palëshe mbi çështjen e Qipros dhe theksoi se ajo është “mundësia e fundit për një marrëveshje”.
Ishulli i Qipros është ndarë që nga viti 1974, kur një grusht shtet i Qipros Greke u pasua nga dhuna kundër turqve të ishullit dhe ndërhyrja e Ankarasë si një fuqi garantuese.
Mbi çështjen e ishullit janë bërë disa përpjekje për zgjidhje paqësore, përfshirë iniciativa e dështuar e vitit 2017 në Zvicër nën kujdesin e vendeve garantuese, Turqisë, Greqisë dhe Mbretërisë së Bashkuar. TRNC u themelua në vitin 1983, por nuk edhepse është shtet defakto, ajo nuk njihet nga asnjë shtet përveç Turqisë./Foldrejt.com
