Presidenti i shtetit mik të Turqisë, Recep Tayyip Erdogan, ka zhvilluar një takim me disa nga deputetët e Republikës së Kosovës në Kuvendin e Turqisë.
Kjo është bërë e ditur përmes postimeve në Facebook nga deputetët Mërgim Lushtaku e Eman Rrahmani.
“Mikpritja, modestia, afërsia, janë disa nga tiparet që e karakterizojnë këtë lider të përmasave botërore. Turqia do të vazhdojë të mbështesë popullin e Kosovës në të gjitha fushat”, ka shkruar Lushtaku në Facebook.
Ndërsa deputeti i Lëvizjes Vetëvendosje, Eman Rrahmani, përkrah fotografisë së ndarë në Facebook, ka shkruar vetëm: “Bayraktar”.