Presidenti i Turqisë, Rexhep Tajip Erdogan, të shtunën emëroi ministra të rinj në kabinet dhe pas emërimit tha se Turqia sot është më e fortë se kurrë dhe se do të vazhdojë në rrugën e zhvillimit, raporton Klix, përcjell Fol Drejt.
Pas ceremonisë së emërimit të ministrave, presidenti i Turqisë tha se asnjë forcë nuk mund të ndryshojë drejtimin në të cilin po lëviz Turqia.
“Asnjë forcë nuk mund të ndryshojë shtratin e këtij lumi që ka bërë që vendet e Anadollit të rriten me dashuri për 1000 vjet. Turqia është sot më e fortë se dje. Demokracia jonë është më e fortë se kurrë. E ardhmja jonë është më e ndritshme se para 28 majit. Faleminderit të gjithëve. “tha ai.
Erdogan emëroi një kabinet të ri, diplomacia drejtohet nga ish-kreu i shërbimit të inteligjencës Hakan Fidan.
Ai shfrytëzoi rastin të falënderojë edhe të gjithë krerët e shteteve që vendosën të marrin pjesë në inaugurimin e tij.
“Më vjen mirë të shoh që vëllezërit tanë, që janë me ne në ditë të vështira, nuk na lënë vetëm në ditët tona të lumtura. Ne do të vazhdojmë të ecim krah për krah me vëllezërit tanë nga e gjithë bota. Jam krenar që ne u zgjodhën në zgjedhje nga gati 28 milionë qytetarë. Ne e dimë mirë se e gjithë kjo na imponon një përgjegjësi të madhe”, thekson presidenti i Turqisë.
Kujtojmë se, krahasuar me mandatin e kaluar, Erdogan ka ndryshuar ndjeshëm kabinetin e ministrave dhe ndoshta vendimi më interesant ka të bëjë me emërimin e Hakan Fidanit në postin e ministrit të Jashtëm. /FolDrejt/
