Përkundër muajit të shenjtë të Ramazanit, luftimet në Libi po vijojnë mes gjeneralit renegat Khalifa Haftar (LNA), të mbështetur nga Rusia, Emiratet dhe Egjipti, dhe qeverisë legjitime te Pajtimit Kombëtar të udhëhequr nga Fayez Sarray (GNA), pas të cilës qëndron Turqia.
Së fundi forcat e Haftarit, të rrethuar nga qeveria legjitime e Tripolit, kanë qëlluar me raketa aeroportin dhe lagjen ku ndodhet ambasada e Turqisë dhe Italisë.
“Sulmi mbi aeroportin Mitiga dhe misionet diplomatike, përfshirë edhe ambasadën tonë në Tripoli, si dhe sulmet mbi civilët, përbën një krim lufte,” shkruan në komunikatën e qeverisë turke.
Ky sulm i praprecedentë ka irrituar presidentin Rexhep Taip Erdogan.
Presidenti turk ka theksuar të hënën se forcat e Haftarit (LNA) janë në “periudhë regresioni”, pasi anëtarja e NATO-s, Turqia po mbështet qeverinë legjitime (GNA).
Pavarësisht kërkesave të disa shteteve për ta mbështetur pakufishëm financiarisht dhe me armë Haftarin, ata nuk do jenë në gjendje të shpëtojnë atë, tha Erdogan, përcjell foldrejt.com.
Gjatë javëve të fundit, forcat libiane kanë korrur suksese në rajonet e Tripolit, kurse tashmë bëhet gati sulmi në bazën e rëndësishme të Haftarit, Tarhouna, 80 kilometra në juglindje të Tripolit, e cila është rrethuar. Forcat e Haftarit kanë sulmuar nga kjo bazë me raketa Tripolin.
Suksesi i qeverisë libiane ka ardhur si pasojë e ndihmës së dronëve turq, të cilët janë të pakapshëm nga radarët e forcave rebele të mbështetura nga rusët edhe Emiratet./Foldrejt.com
