Turqia do të vazhdojë përpjekjet e saj për të organizuar bisedime midis presidentit rus Vladimir Putin dhe presidentit ukrainas Volodymyr Zelensky, tha kreu i shtetit turk Rexhep Tajip Erdogan.
“Marrëveshja për grurin dhe shkëmbimin e të burgosurve, që u bë e mundur me ndërmjetësimin tonë, tregoi se palët në konfliktin ukrainas janë të afta të gjejnë një gjuhë të përbashkët”, tha Erdogan, përcjell Fol Drejt.
Sipas tij, Turqia qëndron për një paqe të drejtë në Ukrainë dhe siç tha ai, ai është ende në kontakt të vazhdueshëm me presidentin rus Vladimir Putin dhe liderin ukrainas Volodymyr Zelensky./FolDrejt/
