Turqia do të përfundojë largimin e mbeturinave të tërmetit në të gjitha provincat përveç Hatajit deri në Fitër Bajram, tha presidenti turk Rexhep Tajip Erdogan në një iftar të përbashkët të organizuar mbrëmë, shkruan Klix, përcjell Fol Drejt.
Duke iu drejtuar audiencës, ku përfshiheshin të mbijetuarit e tërmetit që ishin zhvendosur në Stamboll, Erdogan tha se heqja e rrënojave do të bëhet në 10 provinca të prekura nga tërmeti para të premtes.
“Ne nuk mund t’i kthejmë ata që vdiqën, por jemi të vendosur, në dashtë Zoti, për të kompensuar të gjitha humbjet e tjera,” tha ai, duke shtuar se qeveria ishte sinqerisht e vendosur për të shëruar plagët e të mbijetuarve të tërmetit për t’i ndihmuar ata të fillojnë përsëri.
Provinca Hatay pësoi dëmet më të mëdha në tërmetet e dyfishta.
Procesi i ndërtimit të mbi 100,000 ndërtesave të banimit dhe fermave ka filluar që nga e diela, tha Erdogan, duke shtuar se qeveria nuk do të largohet nga zona e tërmetit derisa të përfundojë ndërtimi i 650,000 shtëpive.
Kujtojmë se të paktën 50 mijë e 500 persona humbën jetën si pasojë e tërmeteve shkatërruese me magnitudë 7.7 dhe 7.6 ballë të shkallës Rihter.
Rreth 14 milionë njerëz në Turqi u prekën nga tërmetet, si dhe shumë të tjerë në Sirinë veriore. Dëmi i shkaktuar vlerësohet në mbi 100 miliardë dollarë sipas vlerësimeve të UNDP. /FolDrejt/
