Liburn Aliu po qëndron për një vizitë zyrtare në Komunën e Preshevës.
Aliu, Ministër i Mjedisit ka thënë se është detyrë e Kosovës të ngris çështjen e të drejtave të shqiptarëve të Luginës së Preshevës në negociata me Serbinë.
“Është detyrë e jona, që Republika e Kosovës në negociata, në takime me palën serbe përherë ta ngrisë çështjen e të drejtave të qytetarëve në Preshevë, Bujanovc edhe Medvegjë, duke pasur parasysh përherë parimin e reciprocitetit”, tha Ministri Aliu, gjatë konferencës për shtyp, transmeton Fol Drejt.
Aliu do t’i vëzhgoj nga afër dy lokacione ku planifikohet të ndërtohen një shkollë dhe një palestër sportive, projekte këto, të financuara nga Qeveria e Kosovës.
Në bashkëpunim Ministrinë e Infrastrukturës, është planifikuar që në fshatin Rahovicë të Preshevës të ndërtohet objekti i ri i shkollës “Selami Hallaqi”, dhe një sallë sportive.
“Projektet që do të ndihmohen drejtpërdrejtë nga Republika e Kosovës do të bëhet çmos që të realizohen”, ka thënë ai./FolDrejt/
