Ministria e Ekonomisë ka njoftuar se: Thirrja Publike për Subvencionim të Efiçiencës së Energjisë për qytetarët, e hapur me datën 06.10.2022 sot është mbyllur përkohësisht për aplikim pasi që numri i aplikimeve ka shteruar buxhetin e paraparë për këtë thirrje, raporton Fol Drejt.
Sipas ME-së, ky kalkulim është bërë duke u bazuar në kriterin që secili subvencion do të jetë me çmimin maksimal të lejuar, ndërsa thirrja do të rihapet me mjetet e mbetura pasi të shqyrtohen aplikimet e para nga Komisioni Vlerësues për shqyrtimin e aplikacioneve për subvencionim.
Ministria e Ekonomisë po ashtu ka njoftuar se në kuadër të Thirrjes Publike për subvencionim të Efiçiencës së Energjisë për qytetarët numri total i aplikuesve për fazën e parë është:
Numri total i aplikuesve 5992
– Pompë Termike 1313 aplikues,
– Inverter 2656 aplikues,
– Kalda me Biomasë 816 aplikues,
– Stufa me biomasë 1207 aplikues
Numri i aplikuesve të cilët janë në kategorinë e mbështetjes së skemës të asistencës social është 275.
Theksojmë se deri më tani numri total i aplikuesve për fazën e dytë është 218.
Ndërsa shifra e arritur nga aplikimet është 6,000,020.00 euro./FolDrejt/
