Ministrat e Punëve të Jashtme të Estonisë, Lituanisë dhe Polonisë në një deklaratë të përbashkët vlerësuan miratimin e kufirit të çmimit të naftës ruse dhe i bënë thirrje BE-së të përshpejtojë përgatitjen e raundit të ardhshëm të sanksioneve ndaj Rusisë, shkruan Ukrinform, përcjell Fol Drejt.
Ne duhet të vazhdojmë të ofrojmë mbështetjen tonë për Ukrainën duke ndërprerë aftësinë e Rusisë për të financuar këtë luftë, tha në një postim në Twitter ministri i Jashtëm i Estonisë, Urmas Reinsalu.
“Ne mirëpresim deklaratën e Presidentit von der Leyen se BE po punon me shpejtësi të plotë për paketën e ardhshme të sanksioneve kundër Rusisë. Ne ritheksojmë rëndësinë e miratimit të shpejtë të paketës së 9-të të sanksioneve”, thuhet tutje aty.
Ministrat mirëpritën marrëveshjen për kufirin e çmimit të naftës, objektivi i së cilës është të kufizojë të ardhurat ruse nga nafta, duke zbutur njëkohësisht pasojat negative në furnizimin me energji për vendet e treta.
“Kufiri fillestar i çmimit të naftës në nivelin 60 dollarë është rezultat i negociatave të gjata brenda G7 dhe BE-27. Kufiri i çmimit të naftës do të sigurojë efektivitetin e sanksioneve të vendosura ndaj naftës ruse. Ne kemi bërë çdo përpjekje për të siguruar që qëllimi kryesor i kufirit të çmimit të naftës, që është kufizimi i të ardhurave ruse nga nafta, të arrihet”, thuhet në deklaratë.
Ata shtuan se kufiri i çmimit, i prezantuar në propozimin e tyre, “do të rishikohet çdo 2 muaj për t’iu përgjigjur zhvillimeve në treg dhe për të garantuar që kufiri i çmimit do të jetë të paktën 5% nën çmimin mesatar të tregut për naftën ruse”.
“Ne theksojmë se do të punojmë më tej për të ndaluar plotësisht fitimin e Rusisë nga shitja e naftës”, theksohet në Twitter, duke vënë në dukje se kufiri është vetëm një element i përgjigjes sonë ndaj agresionit të Rusisë kundër Ukrainës.
Ministrat theksojnë se duhet të vazhdojmë t’i “sigurojmë mbështetjen tonë Ukrainës duke ndërprerë aftësinë e Rusisë për të financuar luftën, duke përfshirë marrjen në përdorim të aseteve të ngrira ruse dhe vendosjen e sanksioneve efektive”. /FolDrejt/
