Pavarësisht skandalit të publikuar së fundi nga SPIEGEL për popullistët austriakë të cilët ishin të gatshmë të “shisnin” idetë e tyre vetëm e vetëm që të përfitojnë shuma të majme nga oligarkët rusë, votuesit europianë i kanë votuar konsiderueshëm partinë e ekstremit të djathtë, veçanërisht Itali, Francë, Belgjikë, Hollandë, Austri, që shquhen me një narrativë anti-emigracion dhe anti-islame, shkruan foldrejt.com. Por në të njëjtën kohë, rritje të ndjeshme fituan edhe liberalët, “Të Gjelbërit”, veçanërisht Gjermani, Britani të Madhe, Luksemburg, Finlandë, kurse në anën tjetër blloqet e mëdha të qendrës së djathtë dhe asaj të majtë në Parlamentin Europian e humbën shumicën e tyre të kombinuar në zgjedhjet e 23-26 majit.
Çfarë mësuam nga këto zgjedhje konkretisht?
Për dallim nga vitet e kaluara, pjesëmarrja këtë vit në zgjedhje ishte më e lartë 51 përqind, duke ardhur si polarizim i madh mes nacionalistëve dhe pro europianëve.
Votuesit e rinj, ndër moshën 30 vjeçare, krahas që votuan më shumë sesa herëve tjera, ishin edhe mbështetësit kryesorë të partisë së Gjelbër.
Në Britaninë që përgatitet për shkëputje nga blloku europian, vota ishte praktikisht një ndëshkim për konservatorët. Partia u dërrmua me nivelin më të ulët të votave në gati 200 vite, duke marrë vetëm 8.8%. Partia e porsaformuar e “Brexit”-it, UKIP, ndërkohë, shënoi një fitore të madhe. E ndërsa humbje patën edhe laburistët, liberaldemokratët rezultuan me një performancë mjaft të mirë.
– Në Gjermani, vijon të jetë në krizë partia e majtë socialdemokrate SPD-ja, ashtu si edhe partitë simotra të saj në gjithë Europën. SPD përveç që fitoi 16 përqind në rang republikan, humbi edhe zgjedhjet në Bremen, që e udhëhiqte prej 73 vitesh. Por as partia e Merkelit, CDU/CSU nuk duhet t’u kënaqet zgjedhjeve, pasi pavarësisht se fitoi zgjedhjet, ata kishin përqindjen më të ulët përgjatë gjithë historisë 28.9 përqind.
– Populistët sakaq morrën krye në Francë dhe Itali, duke i shtuar ulëset në PE.
Por në kohën kur kryekandidati i partisë Të Gjelbërit në Gjermani, Sven Giegold, foli për “Sunday for Future”, ku partia ekologjike fitoi 20.5 përqind të votave – thuajse dyfish më shumë vota sesa zgjedhjet paraprake, në fakt trendi thotë se europianët tashmë po orientohen drejt partive pacifiste ose drejt partive nacionaliste që shquhen edhe për retorikë të ashpër kundër shqiptarëve.
BE mund të jetojë vetëm falë ngritjes së forcave tradicionale, që në fakt duhet të reformohen.
Në këto momente akoma të largëta për t’u menduar se BE po shkon drejt rrënimit, janë vetë përfaqësuesit e shqiptarëve, që duhet t’i bëjnë mirë llogaritë./Foldrejt.com
