Sipas Eurostat, 68.6% e të rinjve kosovarë jetojnë me prindërit e tyre, shkruan Fol Drejt.
Megjithatë, kjo përqindje është e teta në nivel evropian dhe madje është më e ulët se ajo e disa prej shteteve të rajonit.
Përqindja më e madhe e të rinjve nga mosha 25 deri në 29 vjeç jetojnë me prindërit e tyre në Kroacia, dhe ky numër në përqindje është 79.9. Në vendin e dytë të kësaj liste është një vend tjetër nga rajoni, Mali i Zi.
Përkatësisht, 78,7 për qind e të rinjve malazezë jetojnë me prindërit e tyre, ndërsa në listë pas tyre janë të rinjtë nga Serbia, ku 76,4 për qind jetojnë me prindërit e tyre. Sipas të dhënave të Eurostat-it, është evidente se në këtë listë prej dhjetë shtetesh dominojnë vendet e Ballkanit.
Përveç tre vendeve të para në listë, në vendin e katërt është edhe Greqia me një përqindje prej 72.9. Në vendin e pestë ishte Shqipëria me 72.8 për qind të të rinjve, në vendin e gjashtë ishte Maqedonia e Veriut.
Përveç vendeve nga Ballkani, në dhjetëshen e parë të listës ishin edhe Italia në pozitën e shtatë, Portugalia në vendin e nëntë dhe Sllovakia në vendin e dhjetë.
Lista është publikuar nga profili Instagram Landgeist, dhe sipas të dhënave të Eurostat. Në Evropën Jugore, dhe veçanërisht në juglindje, njerëzit jetojnë me prindërit e tyre shumë më gjatë se në çdo pjesë tjetër të Evropës. Këto të dhëna vijnë nga një sondazh dhe bazohen në regjistrat zyrtarë. /FolDrejt/
