Gazeta gjermane Frankfurter Allgemeine Zeitung feston 70 vjetorin e krijimit. Mes shumë shkrimeve të saj prestigjioze spikasin edhe shkrimet mbi Ballkanin dhe padyshim, shumë shtete kanë fituar pavarësinë falë artikujve të kësaj gazete, shkruan foldrejt.com. F.A.Z. vlerësohet në gjithë Europën, kurse shpesh cilësohet edhe si sinonimi i mediave gjermane.
F.A.Z. përveç që ndodhet në të gjitha byrotë e larta politike, ajo shërben edhe për mirëinformomin e politikanëve në të gjithë Europën. Ajo është ndër të pakta media gjermane, që shpërndahet në gadishullin iberik.
Por këtu nuk mund të harrojmë edhe vlerën që kjo media shkaktoi në lirinë e popujve të ish Jugosllavisë. Për dallim kur shumë media tjera perëndimore akoma flisnin për etatizmin milloshevian, F.A.Z. me artikujt e saj detyroi presidentin e atëhershëm gjerman Helmut Kohl që të rreshtohet në mbështetësit më të zjarrtë të pavarësisë së Kroacisë. Edhe sot e kësaj dite, kroatët (por edhe sllovenët) kujtojnë me adhurim botuesin e atëhershëm të gazetës F.A.Z., Johann Georg Reißmüller, që solli kthesën e perëndimit kundër serbomadhisë.
Por këtu nuk duhet të harrohet edhe Kosova. Vetë gazeta F.A.Z. në artikullin e saj të 1 nëntorit 2019, thekson se në Prishtinë, ka një rrugë që mban emrin e ish korrespodentit të Ballkanit të kësaj gazeta, Viktor Meier, i cili me shkrimet e tij pasqyroi vuajtjet e shqiptarëve nga forcat serbe.
Kjo është arsye se pse kjo media nuk ka respektin e veçantë në Serbi, por ama nuk do të thotë se nuk ka vëmendje të madhe në Beograd.
F.A.Z. vazhdon edhe këto ditë të shkruajë fuqishëm për rajonin ballkanik. Para një viti, kjo media do shkruante për “bisedat sekrete” mes liderëve të Maqedonisë Veriore. Korrespodenti i saj për Ballkanin, MICHAEL MARTENS, shkruan thuajse çdo javë për rajonin dhe ndodhet me qëndrim në Athinë./Foldrejt.com
Në foldrejt.com mund të lexoni shpesh shkrime ekskluzive të F.A.Z. dhe në vijim ju sjellim linqet e disa prej artikujve më të zëshëm:
Ahmeti: Po kthehemi në liderë të pleqve, rinia maqedonase dhe shqiptare po largohen
Fotografët gjermanë që treguan për masakrat serbe mbi shqiptarët
Fondet sekrete greke dhe jo vetëm, që blejnë politikanë dhe imamë në Ballkan
