Kompania belge Aerospacelab do të bëhet fabrika më e madhe e satelitëve në Evropën Perëndimore dhe e treta në botë, raportoi portali Focus on Belgjikë.
Kompania Aerospacelab, e themeluar në vitin 2018, së shpejti mori një kërkesë në rritje për prodhimin e satelitëve gjithnjë e më të mëdhenj. Prandaj, kompania vendosi të kërkonte një vendndodhje më të madhe dhe zgjodhi Charleroi për fabrikën e saj të re, përcjell Fol Drejt.
Aerospacelab po merr gjithnjë e më shumë porosi për satelitë, dhe klientët përfshijnë agjenci të mëdha ndërkombëtare hapësinore, qeveri të huaja dhe kompani private, si dhe operatorë telekomunikacioni.
Fabrika e re do të nisë ndërtimin para verës dhe do të përfundojë pas dy vitesh, shtoi portali belg.
Kjo ndërtesë e re futuriste arkitekturore do të jetë gjithashtu e qëndrueshme me synimet kryesore të reduktimit të nevojave për energji, përdorimin e burimeve të rinovueshme të energjisë dhe përdorimin e pajisjeve me performancë të lartë për nevoja shtesë për energji.
Ambientet e reja të fabrikës do të strehojnë 500 punëtorë dhe do të prodhojnë 500 satelitë në vit dhe është një nxitje e mirëpritur për industrinë belge hapësinore./FolDrejt/
