Përforcuesi u lansua për herë të parë për fëmijët e moshës 12 vjeç e lart në shtator, shkruan Abc News, përcjell Fol Drejt.
Administrata e Ushqimit dhe Barnave e SHBA-së autorizoi të mërkurën përforcuesin e përditësuar bivalent të COVID-19 për fëmijët më të vegjël.
Përforcuesi Pfizer është autorizuar për fëmijët e moshës 5 vjeç e lart dhe përforcuesi Moderna për fëmijët 6 vjeç e lart.
Kur përforcuesit e rinj u autorizuan fillimisht në shtator, përforcuesi Pfizer ishte i disponueshëm vetëm për ata të moshës 12 vjeç e lart dhe përforcuesi Moderna për ata 18 vjeç e lart.
FDA thotë se fëmijët mund të marrin përforcuesin të paktën dy muaj pas përfundimit të serisë së tyre primare ose marrjes së një doze të veçantë përforcuese.
“Meqenëse fëmijët janë rikthyer në shkollë dhe njerëzit po rifillojnë sjelljet dhe aktivitetet e para pandemisë, ekziston mundësia për rritje të rrezikut të ekspozimit ndaj virusit që shkakton COVID-19,” tha në një deklaratë, Dr. Peter Marks, drejtor i Qendrës për Vlerësimi dhe Kërkimi Biologjik në FDA. “Vaksinimi mbetet masa më efektive për të parandaluar pasojat e rënda të COVID-19, përfshirë shtrimin në spital dhe vdekjen.
“Ndërsa ka qenë kryesisht rasti që COVID-19 tenton të jetë më pak i rëndë te fëmijët sesa të rriturit, pasi kanë ndodhur valë të ndryshme të COVID-19, më shumë fëmijë janë sëmurë me këtë sëmundje dhe janë shtruar në spital. Fëmijët gjithashtu mund të përjetojnë efekte afatgjata, edhe pas sëmundjes fillimisht të lehtë.”
Përforcuesi i përditësuar mbron në mënyrë specifike kundër nënvarianteve omicron BA.4 dhe BA.5, të cilët përbëjnë shumicën e infeksioneve COVID-19 në SHBA.
Me autorizimin e përditësuar nga FDA, kjo do të thotë se më shumë se 216 milionë amerikanë tani kanë të drejtë të marrin përforcuesin bivalent.
Në njoftimin e saj, FDA tha se mbështetej në të dhënat që tregonin përforcuesit origjinalë bivalent – të cilët synonin variantin origjinal nga Wuhan dhe variantin origjinal të omicron BA.1 – ishin të sigurtë dhe efektiv tek të rriturit.
“FDA i konsideron të dhëna të tilla si relevante dhe mbështetëse për vaksinat që përmbajnë një komponent të variantit BA.4 dhe BA.5 të omicron”, shkroi agjencia shëndetësore.
Të dhënat nga Qendrat për Kontrollin dhe Parandalimin e Sëmundjeve tregojnë se 11.5 milionë amerikanë kanë marrë një përforcues të përditësuar që kur u shfaqën. /FolDrejt/
