Të njohur si dy teniserët më të dashur ndër simpatizantët e këtij sporti, Roger Federer, ka gjetur forcë për ta uruar ‘kundërshtatin’ e tij Rafael Nadal, i cili triumfoi bindshëm kundër serbit Novak Gjokoviq, njëherësh edhe numri një në ranglistën botërore.
“Unë gjithmonë kam pasur respektin më të madh për shokun tim Rafael Nadal si person dhe si kampion. Si rivali im më i madh gjatë viteve, unë besoj se e kemi shtyrë njëri-tjetrin për t’u bërë lojtarë më të mirë. Për këtë arsye është nder për mua ta uroj atë për Grand Slamin e 20-të të fituar”, ka shkruar Federer në rrjetet sociale, i cili poashtu ka fituar 20 Grand Slam.
Më tutje Federer ka uruar edhe ekipin që qëndron pas Nadalit, “pasi askush nuk mund ta arrijë atë sukses i vetëm”.
“Urime Rafa, ti e ke merituar atë,” e përmbylli zvicerani Federer.
Vlen të theksohet se Federer është tifoz i klubit zviceran FC Basel, ku luajnë shumë shqiptarë. Ai ka qenë mik me golgeterin shqiptar, Shkëlzen Gashin./Foldrejt.com
