Për fenomenin e rrallë i cili ka ndodhur ditët e fundit në bregdetin shqiptarë ku qytetarët kanë parë tërheqje të theksuar të detit në disa zona, ka folur profesori Osman Metalla.
Metalla nëpërmjet një postim në llogarinë e tij në Facebook. Ndryshe ai është Dekan i Fakultetit të Studimeve Profesionale dhe profesor në Departamentin e Shkencave Inxhinierike dhe Detarisë në Universitetin “Aleksandër Moisiu” në Durrës, transmeton Fol Drejt.
Ky ëshë shpjegimi i tij:
Kam dëgjuar shumë njerëz që pyesnin sot: Çeshte kjo zbaticë kaq e theksuar?
Një fenomen i cili ishte vënë re nga shumë njerëz edhe për faktin se ishte dite e bukur e me diell dhe mjaft qytetarë kishin dalë ta shijonin këtë ditë buzë detit. Dhe largimi i dukshëm i detit i kishte bërë kuioz. Për më tepër më erdhi një foto nga miku im Arian Dedej i cili më bëri të njëjtën pyetje? Përse është ulur kaq shumë niveli i detit? Dhe për rastësi fotoja që më erdhi ishte marrë pikërisht nga pothuaj i njëjti pozicion që une kisha bërë foto në Janar të vitit 2018. Dhe zbatica duket pothuaj e njëjtë…
Në fakt uljet dhe ngritjet periodike të nivelit të detit njihen me emërtimin batica dhe zbatica të cilat ndodhin në mënyrë periodike afro çdo 6 orë. Lëvizja e Hënës përreth Tokës bëhet në një kohë prej 24h49m, dhe njëkohësisht distanca e Hënës nga toka nuk është gjithnjë e njëjtë. Në këtë moment që po shkruaj distanca e Hënës nga Toka është 227 326 milje dhe kjo distancë është e ndryshueshme (marre nga aplikacionet).
Njëkohësisht edhe Dielli ka tërheqje gravitacionale Në momentin kur Toka Hëna dhe Dielli janë të rreshtuar fuqia e tyre gravitacionale rritet duke shkaktuar ato që njihen si baticat dhe zbaticat pranverore të cilat janë mjaft të dukëshme si rasti i këtyre ditëve.
Gjithësesi janë astronomët ata që duhet të na thonë diçka më shumë…
