Policia e Kosovës ka njoftuar se në fshatin Gerlice të Ferizajt është gjetur një mjet shpërthyes, të cilin e ka larguar njësia për deminim e FSK-së, raporton Fol Drejt.
“Ankuesi mashkull kosovar ka informuar se gjatë punimeve kishte hasur në një mjet shpërthyes. Njësia për deminim e FSK-së ka dalë në vendin e ngjarjes dhe kanë larguar mjetin shpërthyes.”, shkruan në raportin e policisë lidhur me rastin.
Policia tha se nuk raportohet për ndonjë incident gjatë largimit të mjetit. /FolDrejt/
