Tre persona, të përfshirë në një përleshje janë arrestuar nga policia.
Rasti ka ndodhur në orët e hershme të mëngjesit të djeshëm, rreth orës 05:20, në Ferizaj, transmeton Fol Drejt.
Siç njofton policia, gjatë kësaj kohe kanë pranuar një informatë për një rast përleshjeje fizike mes tre personash në rrugën ‘’Reçaku’’, në pikën e karburantit ‘’Hib Petrol’’ në Ferizaj.
“Policët e stacionit në Ferizaj menjëherë i kanë marrë veprimet e nevojshme, kanë dalë në vendin e ngjarjes dhe i kanë nisur hetimet. Pas një pune hetimore , grumbullimit të informacioneve në terren, policia i ka identifikuar e më pas i ka arrestuar tre të dyshuarit : I.I ( M/K) i moshës 29 vjeçar , A.P ( M/K) i moshës 51 vjeçar dhe K.S (M/K) i moshës 34 vjeçar. Dy nga të dyshuarit kanë pranuar tretman mjekësor në Qendrën Emergjente në Ferizaj”, thuhet në njoftimin e policisë.
“Policia të dyshuarit i ka shoqëruar në stacionin e policisë dhe pas intervistimit nga policët hetues me vendim të prokurorit kujdestar nga Prokuroria Themelore në Ferizaj, të njëjtit janë dërguar në mbajtje për 48 orë, për procedura të mëtejme hetimore, ndërsa rasti është cilësuar ‘’Lëndim trupor’’, thuhet tutje./FolDrejt/
