Gursel Arifi, pronar i fermës “Eko Sharri” ka kërkuar nga Ministria e Bujqësisë që të mos e anashkalojë sektorin e prodhimit të mishit të pulës.
Sipas tij, Kosova i plotëson kërkesat për mish pule vetëm 6%, ndërsa ky sektor vijon të mos mbështetet, transmeton Fol Drejt.
Ai nëpërmjet një reagimi në llogarinë e tij në rrjetin social Facebook, pasi ka vënë në dukje faktin e trendit në rritje të importit të mishit të pulës, ka kërkuar një qasje më konstruktive nga ana e MBPZhR-së.
Ky është reagimi i tij i plotë:
REAGIM LIDHUR ME DRAFT UDHËZIMIN ADMINISTRATIVE PËR PAGESA DIREKTE NË BUJQËSI PËR VITIN 2022
Prodhimi i mishit të pulës apo rritja e broilerve në Kosovë deri me tani nga Ministria e Bujqësisë Pylltarisë dhe Zhvillimit Rural (MBPZHR) nuk është përkrah me pagesa direkte. Për fat të keq edhe këtë vit në draft udhëzimin administrative qe është në diskutim publik nuk është paraparë të përkrahet ky sektor. Për çudi është i vetmi sektor ne bujqësi qe nuk përkrahet nga MBPZHR.
Në bazë të raporteve të Doganës së Republikës së Kosovës, në vitin 2020 është importuar mish pule në vlerë prej 38.9 milion euro, në vitin 2021 është importuar mbi 51.5 milion euro. Trendi i rritjes se importit të mishit të pulës është duke u rritur çdo vit. Janar – Mars 2022 është importuar rreth 13 milion euro, në bazë të parashikimeve importi do të arrin mbi 60 milion euro në vitin 2022. Kosova i plotëson kërkesat për mish pule vetëm 6 %.
Këto shifra enorme të importit të mishit të pulës duhet të jenë alarm për institucionet tona qe ti rishikojnë politikat zhvillimore dhe të ju jepet prioritet sektorëve me potencial të zhvillimit. Si vend kemi potencial dhe njohuri për zhvillimin e këtij sektori por vetëm duhet qe institucionet tona të punojnë në drejtim qe të përkrahen prodhuesit vendore.
Shumica e vendeve e përkrahin këtë sektor me pagesa direkte. Si shembull Republika e Maqedonisë se Veriut e subvencionon këtë sektor me 0.7 euro për broiler/zog.
Prandaj është momenti i fundit qe të rishikohet udhëzimi administrative për pagesa direkte dhe të merren në konsideratë rekomandimet e dhëna nga prodhuesit vendor.
