Ka pasur tragjedi mes ekstazës së festimeve të titullit të Serie A të Napolit, me një tifoz 26-vjeçar të vrarë, shkruan Goal, përcjell Fol Drejt.
I riu në fjalë ka ndërruar jetë pasi u plagos për vdekje nga të shtënat me armë zjarri.
Viktima ka shkuar në spitalin Cardarelli, ku i është nënshtruar mjekimit urgjent, por fatkeqësisht ka ndërruar jetë pak kohë më pas.
Mijëra tifozë të Napolit dolën në rrugë të enjten në mbrëmje për të kremtuar triumfin e parë të titullit të klubit në Serie A që nga ditët e Diego Maradona.
Fansi që humbi jetën ishte pjesë e festimeve që po zhvilloheshin në zonën e Piazza Volturno të Napolit.
Pati shumë më tepër lëndime gjatë natës, me 203 persona që vizituan objekte të ndryshme mjekësore.
Prej tyre, katër persona u goditën me plumba dhe disa kishin plagë me thikë.
Lëndime të tjera përfshinin lëndime të duarve nga fishekzjarre, shpatulla të zhvendosura, kyçe dhe gjymtyrë të thyera, probleme me sytë, hundë të thyera, çarje nga rrëzimet, trauma në kokë dhe sulme astme nga thithja e tymit.
Një vajzë 20-vjeçare u shtrua në spital në provincën Frattamaggiore të Napolit me një dëmtim në kokë që u konsiderua si kërcënim për jetën e saj, me të renë që u godit nga një makinë teksa festonte me miqtë. /FolDrejt/
