Turizmi në Shqipëri sa vjen e po bëhet më i theksuar. Të gjithë janë të interesuar të shohin bukuritë e këtij vendi. Një ndër atraksionet më të bukura dhe që spikat në Shqipëri është Rana e Hedhun. Por përveç natyrës edhe eventet kulturore po tërheqin turistë.
Këtë verë festivali i ri do të “tundë” Ranën e Hedhun. Prej 31 majit – 2 qershor 2019, në bregun shqiptar do të zhvillohet një festival i ri i muzikës elektronike në natyrë “UNUM””.
UNUM është një festival i ri në Shqipëri, duke premtuar të shfaqë “50 veprat më të mira ndërkombëtare dhe vendore” për tri ditë e netë.
UNUM në latinisht do të thotë ‘Një’, jo një si numër apo matje, jo një si njëjës, por Një si një e tërë. Është vendi ku emri i festivalit ka kuptim, me muzikën dhe peizazhin që vijnë së bashku për të formuar një ëndërr të lumtur; të erës që fluturon butësisht nëpër pemë pishe.
Të gjitha të vendosura në një sfond malor, hapësirë ideale për të dëgjuar shumë artistë të njohur nga e gjithë bota si Craig Richards, Ricardo Villalobos, Luciano, Neverdogs, Cesar Merveille, Butch, Petre Inspirescu, Praslea, Sonja Moonear Deëalta etj.
Ky festival do të realizohet në bashkëpunim me Ministrinë e Turismit të Shqipërisë.
