Kuvendi i Republikës së Kosovës i është rikthyer punës, pas sezonit të pushimeve, raporton Fol Drejt.
Në pikat jashtë rendit të ditës, deputetët e kuvendit të Kosovës, po shtrojnë probleme të ndryshme për diskutim.
I pari i Partisë Demokratike të Kosovës (PDK), Memli Krasniqi, ka akuzuar Qeverinë e Kosovës për paaftësi në mënyrën se si po e menaxhon krizën ekonomike.
“Vetë janë akomoduar mirë, po vlerësojnë se edhe qytetarët po jetojnë mirë” – tha ai, duke specifikuar se “qeveria nuk po e sheh si krizë ekonomike, por si luftë politike.”
Ai ka kërkuar nga qeveria që t’i përdorur të gjitha instrumentet për ta zbutur inflacionit:
- Të lirohen nga TVSh-ja të gjitha mallrat e konsumit për një periudhë 6 mujore;
- Të mënjanjohet për një periudhë 6 mujore akciza mbi produktet e naftës;
- Të lirohet konsumi i energjisë elektrike për një periudhë 6 mujore dhe të subvencionohen me 25% faturat e atyre që konsumojnë..
- Të rriten për aq sa është norma e inflacionit, pagat dhe;
- Të lejohet tërheqja deri në 30% e kursimeve pensionale.
Seanca po vijon me deklarime të tjera jashtë rendit të ditës./FolDrejt/
