BILAL: A new brend of hero, është një film i animuar, prodhim i vitit 2015, i mbështetur në një ngjarje të vërtetë. Nëpërmjet kësaj historie rrëfehet jeta e njërit prej shokëve më të dashur të Profetit Muhammed, paqja e Zotit qoftë mbi të – Bilallit, shkruan Fol Drejt.
“Një mijë vjet më parë, një djalë me një ëndërr për t’u bërë një luftëtar i madh, rrëmbehet me motrën e tij dhe dërgohet në një vend shumë larg shtëpisë. I hedhur në një botë ku lakmia dhe padrejtësia sundojnë të gjitha, Bilalli gjen guximin të ngrejë zërin dhe të bëjë një ndryshim” – thotë “legjenda” e trilerit që e publikuar në IMDb.
Më tej vijohet:
“Frymëzuar nga ngjarje të vërteta, kjo është një histori e një heroi të vërtetë që ka fituar kujtimin e tij në kohë dhe histori.”
Bilalli, përndryshe ka mbetur në kujtesën e besimtarëve muslimanë edhe për një gjë tjetër: ezanin. Ai mbetet thirrësi i parë i ezanit në historinë e civilizimit Islam.
Për më shumë, shihni trilerin dhe patjetër gjejeni filmin. Është rekomandim i yni./FolDrejt/
