…Në Shqipërinë e vitit 1958, ku një djalë dhe një vajzë rriten së bashku, në të njëjtin fshat. Ata janë miqtë më të mirë. Luana është vajza e një njeriu shumë të respektuar, Agimi, biri i tradhtarëve të cilët, u ndaluan nga qyteti nga komunistët. Pavarësisht nga këto rrethana të pafavorshme, të dy ruajnë miqësinë, për 10 vjet. Si një grua e re, Luana përjeton gjithnjë e më shumë se të jesh grua është një mallkim dhe ndërmerr veprime të pazakonta, i jep fund situatës së saj si viktimë dhe fiton fuqinë për të vendosur vetë në jetë…
Filmi ”Virgjëresha shqiptare” nën regjinë e Bujar Alimanit pas premierës botërore në edicionin e 37-të të Festivalit Ndërkombëtar të Filmit në Varshavë, në kategorinë zyrtare të konkursit ndërkombëtar ku fitoi dy çmime kryesore, tani do të shfaqet edhe në Festivalin Ndërkombëtar të Filmit në Cabourg të Francës, shkruajnë mediat në Kosovë, transmeton Fol Drejt.
Kështu, shënohet një sukses i radhës i filmave shqiptarë, me premiera të njëpasnjëshme në festivalet ndërkombëtare.
Ndërsa, lajmin e ka bërë të ditur vetë regjisori Bujar Alimani, i cili, tregon se gjithsej gjashtë filma në garë do të konkurrojnë për çmimin e madh të juries në Festivalin Ndërkombëtar të Filmit në Cabourg – FRANCË më 15-19 qershor 2022.
Gjashtë filma në garë, do të konkurrojnë për çmimin e madh të jurisë, kryesuar nga Diane Kurys, gjashtë filma artistikë nga Brazili, Suedia, Shqipëria, Greqia, Spanja dhe Irani.
Shkretëtirë e veçantë nga Aly Muritiba (Brazil)
NELLY & NADINE nga Magnus Gertten (Suedi, dokumentar)
IMAGJINUAR nga Ali Behrad (Iran),
DODO nga Panos H. Koutras (Greqi),
UJI nga Elena Lopez Riera (Spanjë)
”Virgjëresha shqiptare” nga Bujar Alimani (Albania), ka shkruar ai në rrjetet sociale.
Realiteti shqiptar i një kohe të vështirë, si ajo e izolimit komunist, shënon kështu një sukses artistik. Mesazhi, një dukuri e pa hasur jashtë zakoneve shqiptare, përcjell për artdashësit e huaj, një botë imagjinare për ta, ku dallohet karakteri vetëmohues, dashuria e pastër dhe lufta për të rigjetur veten në një shoqëri të shtypur, si ajo shqiptare. /Konica/
