Duket se eksporti më i madh i shqiptarëve është festimi me shqiponjën dykrenore, kjo edhe falë Xhakës dhe Shaqirit, informon foldrejt.com. Në kohën kur supriza e këtij europiani është Finlada, ajo mbrëm edhe zyrtarisht është kualifikuar në Euro 2020 duke shpartalluar modestët e Lihtenshtajnit me rezultatin 3 me 0.
Të gëzuar me këtë fakt padyshim u panë edhe diaspora shqiptare që jetojnë dhe veprojnë në këtë shtet skandinav, i cili i hapi dyert shumë prej tyre në kohën më të vështirë për popullin tonë.
Jeton Vuçitërna nga Rahoveci është njëri prej tyre, i cili festës së finlandezëve i dha një ngjyrim kombëtar shqiptar.
Në llogarinë e tij të rrjetit social Facebook, ai e ka postuar një fotografi ku shihet duke pozuar me një grup tifozësh të Finlandës, të cilët me duart e tyre krijuan simbolin e shqiponjës dykrenare, ndërkaq tek përshkrimi i imazhit Jetoni ka lënë fjalët: “Sonte finlandezet u kualifikuan në Euro 2020, shprehën dëshirë që në mars edhe ne të festojmë sikur finlandezet”.
Shpresojmë që deshira e Vuçitërnës të bëhet realitet.
