Presidenti i Ukrainës Volodymyr Zelensky tha sot gjatë një fjalimi në Forumin Botëror në Hagë se presidenti rus Vladimir Putin duhet të sillet para drejtësisë për luftën në Ukrainë, shkruan Klix, përcjell Fol Drejt.
“Ne të gjithë duam të shohim një Vladimir të ndryshëm këtu në Hagë, ai që meriton të sanksionohet për veprimet e tij kriminale këtu, në kryeqytetin e së drejtës ndërkombëtare”, tha Zelensky gjatë një fjalimi të tij.
Në mars, ICC lëshoi një urdhër arresti për Putinin me dyshimin për dëbimin e fëmijëve nga Ukraina dhe Komisioni Evropian njoftoi se një qendër ndërkombëtare për ndjekjen penale të krimeve të agresionit në Ukrainë do të krijohet në Hagë.
“Jam i sigurt se do ta përjetojmë atë kur të fitojmë. Kushdo që udhëheq luftën duhet të dënohet,” tha Zelensky gjatë vizitës së tij të parë zyrtare në Holandë.
Rusia, e cila nuk është anëtare e GJNP-së dhe nuk e pranon juridiksionin e saj, mohon se ka kryer krime gjatë konfliktit me Ukrainën, të cilin e quan një “operacion special”. /FolDrejt/
